Ўзбекистон ўзининг ташқи сиёсат тамойиллари, қулай сармоявий муҳити, табиий ресурсларнинг кўплиги, «имтиёзли пакетлар» ва бошқа афзалликлари туфайли француз сармояси учун мақбул манзилга айланиши мумкин, деди бош вазир ўринбосари Жамшид Ходжаев Парижда бўлиб ўтган бизнес-форумда.
Март ойида Тошкент халқаро инвестиция форумини ўтказиш учун 15 млрд сўм сарфланган. Тадбирлар ва овқатланишни ташкил этиш учун Sky Events`га 7,2 млрд сўм, Mercedes ва Malibu автомобиллари ижараси учун Lyuks Taxi`га 2 млрд сўм, Akfa Dream World`га овқатланиш учун 2,5 млрд сўм харажат қилинган.
Ўзбекистон ва Эрон ўртасида Ҳукуматлараро комиссиянинг 14-йиғилиши бўлиб ўтди. Тадбирда инвестиция, транспорт ва логистика бўйича қўшма қўмиталарни ташкил этишга келишилган. Ўзбекистон-Эрон ҳамкорлигини ҳар томонлама чуқурлаштиришга қаратилган келишувларни қамраган қўшма «Йўл харитаси» қисқа муддатда ишлаб чиқилиши ва имзоланиши кутилмоқда.
Ҳиндистон Эксимбанки томонидан Ўзбекистонда инфратузилмавий ривожланиш ва таълим соҳаларида лойиҳаларни молиялаштириш учун 448 млн доллар миқдорида маблағлар ажратилиши маълум қилинди.
Ўзбекистон Буюк Британиянинг кенгайтирилган GSP тизими бенефициари мақомини олди. Шунингдек, ушбу тизим Ўзбекистонга умумий қиймати 437 млрд фунт стерлингдан (тахминан 585,5 млрд доллар) ортиқ истеъмол ва чакана савдо бозорига кириш имкониятини яратади.
Қўшимча имкониятлардан фойдаланиш учун сайтда рўйхатдан ўтинг